ياحمد
علي بن قدري
ياحمد لو اشتكي همي على حدب الجبالي وتعرف باللي سطابي مابقا سفح تخيله
ولو شكيت اللي طواني طي لصروف اليالي كان مامدت لغيري كفها تعطي الجزيله
واللي اسهرني وعنى القلب حلم ماغدالي لاني اللي جزت منه ولاني اللي محتظيله
والهوى الغدار حلم يسرقك للحظ مالي وحظي العاثر رماني في غلا بنت ثقيله
ظاع عمري في رجاها والسنين اقفت هزالي لانكتب لي وصلها والدمع والحزن الحصيله
ياحمد هي جادل بالحسن وطت كل عالي واستحقت ملك عرش الحسن ماترضا بديله
آيه بحسن الوصوف وبالجمال وبالكمالي من نظرها مايجيه اللوم لو ظيع دليله
ساهيه كنها حنين القلب لسنين الخوالي واثقه كنها خطاوي الشيخ بصفوف القبيله
اعذب من الحب واصدق من حنان ام العيالي واطهر من الطفل قبل يهم فرقاه لخليله
يوم لدت بي وانا في دنيتي داله وسالي ابتدى المشوار والله اعلم اش هو منتهيله
واستخارت في خطاها وعودها المياس مالي واستثارتني وفلت من على المتن الجديله
يوم قفت شفت قلبي خاضع صابه اذلالي عاجز ولا احد درى باللي حصله عزتيله
وشفت في شرطانها اللي مظلمه كنها اليالي ليلي اللي تهت فيه ولا بقالي فيه حيله
اسحرتني حسبي الله ليتني او...ليتهالي وليت مابه فالبسيطه غير قلبي تلتجيله
واملكتني مثل مايملك يد المملوك والي واعتقتني للسهر والشوق واحلامي البخيله
ابحرت داخل خفوقي صارت اقرب من ظلالي وابعدت عني وخلتني مع الذكرى الجميله
طيفها تخنقني العبرات لي منه طرالي واتخافق له ظلوعي مثل الاغصان الظليله
قبلها ماكنت اظن الحب طبعه مايمالي كنت اظن انه خرافه من خرافات الف ليله
لين صادفني هواهاعقبها شف وش جرالي الحزن خاوا صفاتي والسهر قلبي مقيله
وصرت ادور لي جليس يسمع لشعري موالي مالقيت ومابقا الا قلبي ان ظقت اشتكيله

صح السانك يعطيك الف عافيه

صح السانك ولسان الشاعر لاهنت

يعطيك الف عافيه ومشكووووووووووووووووووووووووورررررررررررررررر وصح السانك