الرئيسيةاليوميةس .و .جبحـثالتسجيلدخول

شاطر | 
 

 الشاعرالمتألق خالد الفيصل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الغريب
avatar


مشرف

مشرف
معلومات اضافية
- :
أوسمتى :
عدد المساهمات : 405

مُساهمةموضوع: الشاعرالمتألق خالد الفيصل   الثلاثاء مايو 29, 2012 8:58 pm

حبيت احط لكم بعض من قصائد شاعر من شعرائي المميزين
الشاعر المتألق خالد الفيصل (دايم السيف )

بشروني عنك

بــشروني عـنك ما يــدرون عــنـي ما دروا باللي شغل فكري وظني
اتـسـمـع لـلحـكـي بـك واتـحــفــظ خــايف دقــات قلبــي يفضــحني
كل ما سموك باسـمـك فـز قلــبي والضــمــاير والمــدامع شاغــلنـي
يا حـبيبي يــوم جنــبــت الحــبايب عفت لاجلك كل من قبـلك فتنـي
من عرف قربك عرف طعم السعاده وان تشطرت ادرك غبون التمني
فـي هـواك من العسـل لذة مذاقه لكن حروس النحل عنها حدني
ما عد اسـمع ولا اوحـي فيك عاذل والعــذاري جــهــل لــو داعـبنـي
لـك عيــون فــعلها بي فـعل ظـالم من عرفـتك يالغـظي ما ريـحني
ان تـــفـارقـنا تـغايـا لـي بـليــلــي وان تقـابلنـا دهـني واخـجلني


شبيه صويحبي

ياشبيه صويحبـي حسبـي عليـك
كـل مـا ناظـرت عينـك شفـت ذاك
شفت لونه فـي خـدودك والعيـون
في سلامك في كلامك في حلاك
كـل شـي فيـك يطـري بـه علـي
يا حلو بسمة حبيبي فـي شفـاك
مـا هقيـت ان القـمـر مثـلـه قـمـر
لين شفتك يا شبيـه احلـى مـلاك
ليتهـم سمـوك باسمـه واستريـح
كـل مـا نابيتـك اغـلـط فــي نـبـاك


فدوة عيونك

فدوة عيونك لو غدت روح مغليك
وش عاد لو راحت لعينك عشاير
ابيع ما يغلى على الكون و اشريك
و اسوق لَى جتني علومك بشاير
و ازعّل جميع الناس بالحيل و ارضيك
و اصبر ولو دارت علَيّ الدّواير
و آخذ من ايّامي لك ايام واعطيك
وان راح عمري لك فلا هو خساير
احب انا شوفك و صوتك و طاريك
دايم وفكري فيك هايم وحاير
بالصمت اهوجس بك و بالصوت اناديك
و الله عليم البيّنه و السّراير
انا و قلبي و الهوى بين اياديك
عندك مفاتيح الهنا للضماير
من روحي احبك ومن روحي افديك
يامن غرامه و الحسن فيه ثاير

البراقع

ما هقيت أن البراقع يفتنني
لين شفت ظبا النفود مبرقعاتِ
الله أكبر يا عيون ناظرني
فاتناتٍ ناعساتٍ ساحراتِ
في هواهنْ يا سعد كيف طرحني
راح عمري في مودتهن فوات
كان مما صابني ما عالجني
الوكاد اني خطير بالممات
يا سعد خبر ظريف الطول عني
كان وده لي بعمر في الحياة
من نظرني بس اهوجس به واون
ما تركني هاجسي لو في مباتي

جرح العيون

الله اكبر كيف يجرحـن العيـون
كيف ما يبرى صويب العين ابـد
أحسب أن الرمش لى سَلهم حنون
أثر رمش العين ما ياوي لأحـد
يوم روّح لي نظر عينـه بهـون
فزّ له قلبـي وصفّـق وارتعـد
لفّني مثل السحايـب والمـزون
في عيوني برق وبقلبـي رعـد
نقّض جروحي وجدّد بي طعـون
قلت يكفي قالـت عيونـه بعـد
وانعطف هاك الشعر فوق المتون
وانثنـى عـوده وقفّـى وابتعـد
أشغلتني نظـرة العيـن الفتـون
حيّرتنـي بالتـوعّـد والـوعـد
هي تمون العيـن والا ماتمـون
لى خذت قلبـي وقفّـت ياسعـد


من يقول الزين

من يقول الزين مايكمل حلاه كل شي(ن) في حبيبي اكتمل
الله اللي كمله والله عطاه مابقى للزين في خلّي محل
العيون أحلى من عيون المهاه شافها قلبي و صفّق و احتفل
نظرته من فتنته شعلة حياه والجفون من الحيا فيها كسل
ساهم(ن) رمشه على الخد وسناه كن لمعة وجنته ورد(ن)وطل
الشفايا كنها جمر الغضاه تحرس الريق المحلّى بالعسل
والشعر ليل(ن) نقل حمرة مساه أجعد(ن) حوّل على صدره همل
مايج من فوق متنه ماطواه لون شلال(ن) مع المغرب نزل
وأنطلق جيده يماري في بهاه فوق مياس(ن) تعزّل واعتدل
بالرشاقه فيه من ظبي الفلاه لي مشى كنّه على الروح انتقل
ريحته من كل زهر(ن) منتقاه والزياده للخزامى والنفل
صافي(ن) مثل المطر فوق الصفاه باسم مثل البشاير بالأمل
جامع(ن) من كل زين منتهاه مستحيل الوصف في خلي سهل
كايد(ن) ماهو يلين لمن بغاه يرتفع عن كل سقطات الزلل

ارفع راسك انت سعودي

ارفـع راسـك انـت سعـودي...طيبك جاوز كـل حـدودي

مـالـك مثـيـل(ن) بالدنـيـا...غيرك ينقص وانت تـزودي

فـارس و اجـدادك فــوارس...و اصبحت لـبيت الله حارس

مغـروس بالمجـد و غـارس...في ميـدان العـز شهـودي

علمـك غانـم وجـارك سالـم...يخشى مـن هيبتـك الظالـم

راعـي صملـه دايـم والــم...سيف و قلب وفعل زنـودي

بالعالـم مـا مثـلـك مسـلـم...دايـم بالفضيـلـه مـحـرم

الخـايـف بــدارك منـعـم...وعن دخيل حمـاك تـذودي

دايـم سيفـك بـيـدك سـلّـه...مـا تغمـد سيفـك منـذلّـه

و حجـاجـك دايــم منفـلّـه...وأنت بنصـر الله موعـودي

فهـد القائـد فـهـد الـرائـد...فهد الصقر الحـر الصايـد

king king king king king
الرجوع الى أعلى الصفحة اذهب الى الأسفل
محمد الوادعي




معلومات اضافية
عدد المساهمات : 175

مُساهمةموضوع: رد: الشاعرالمتألق خالد الفيصل   الإثنين يونيو 04, 2012 8:22 pm

لاهنت ويعطيك العافيه الغريب قصايد فخمه
الرجوع الى أعلى الصفحة اذهب الى الأسفل
ابوعبدالملك




معلومات اضافية
عدد المساهمات : 203

مُساهمةموضوع: رد: الشاعرالمتألق خالد الفيصل   الجمعة يونيو 08, 2012 9:58 am

الف شكررررررر
الرجوع الى أعلى الصفحة اذهب الى الأسفل
 

الشاعرالمتألق خالد الفيصل

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 ::  :: منتدى شعر وشعراء آل عامر-
الساعة الأن بتوقيت (Saudi Arabia)
جميع الحقوق محفوظة ((لـ منتديات آل عامر وادعه))
  alamr wadeh ®http://alamr.forumarabia.com
حقوق الطبع والنشر©2011 - 2012


لاٍقتراحاتكم أو شكاويكم أو التبليغ عن المخالفات أو عدم القدره على التسجيل أو خلاف ماذكر - خاصيه متاحه للجميع وتشمل زوار المنتدى ... أدارة المنتدى

أنت غير مسجل فى منتدبات قبيلة آل عامر وادعة . للتسجيل الرجاء إضغط هنـا